UBONGANI HLATSHWAYO mvanje ukhe wangcamla uncuthu lomculo kwicwecwe elitsha likaHugh Masekela okhalisa ixilongo eRhino Recording Studios eBophuthatswana, ngekh'ukholwe, izandi zawo zithi ndibolek indlebe. Kufote
uLUCKY NXUMALO.
U
HUGH MASEKELA oyimvumi enesiphiwo akaxakwa-nto. Unokucinga nantoni na aze aphume noncuthu lomculo.
Icwecwe lakhe lamvanje
lisikhumbuza ngesinokukulindela kuye. UDon Laka, ungumfo obe negalelo elihle kumacwecwe eBoom Shaka, uprodyuse okwamvanje okuvela kuHugh Masekela.
lingoma zamandulo bazishicilele baza baziguqula ukuze bawuvale loo
msantsa womculo wangoko nowamvanje. isiphumo kube licwecwe elinezandi ezitsha zomculo wamandulo.
Ukuze sivale loo msantsa, sicele umlisela nomthinjana weFamily Factory, uSokhela weBoom Shaka neApple C yeBongo Maffin, utshilo uDon Laka.
Kwingoma yango-1961 ethi Stawberry endaweni yokusebenzisa ixilongo uHugh usebenzisa uflugelhorn ekunye nabantwana abaminyaka ephakathi kwe-8 ne-10 baseMmabana Arts Centre.
Ingoma ethi Mama Ndorho yingomayasesirhoxweni necuntsule ngobomi basehostel phaya kwiUnivesithi yaseFort Hare. Kukho nethi Sabi equka irap yeApple C.
Uyihlaziyile ethi The Boys Are Doing lt nethi Khawuleza kaDorothy Masuka, waza ke wangena kwesakwantu kwingoma yesiPedi ethi Bokoni. Kwingoma yakhe eyankqenkqeza phambili ngo-1963 ethi Child Of The Earth, ubalaselise kokubini ujunior Shokela neApple C.
Bendicinga fan ukuba uHugh uzimisele ukuliyekela kumlisela elicwecwe. Kanti hayi. Uye we vuu phantsi,
waphulaphula waza wavuthela iflugelhorn yakhe, ukhumbule oko uDon.

50 BONA XHOSA - September 1997
ULucelle ngoku uflke kwibakala apho anokubhala kakuhle nangokukhawuleza kunabanye afunda nabo. 
ULucelle kunye neendebe azizuza kukhuphiswano lokuqubha.
Entanyeni yimbasa ayifumana ngokucula kwikonsathi ispeciaArts.
Ukususela mhla uLucelle Govender wangena esikolwen!, unconywe njengomntwana obalaseleyo. Lo mfundi one-15 nokrelekrele lixhoba Iesifo i-arthrogryposis, ubhala usiba lusemlonyeni. Kubalisa uAJITH BRIDGAAJ kufote







Lo MlomoWawenzelweUkubhala

IATHROGRYPOSIS Multiplex Congenita (AMC) sisiphene sokuzalwa apho amanye amalungu omzimba engashukumi. Nakuba wona umzimba uchaphazeleka, ubuchopho busebenza nje kakuhle.
ULucelle uhamba ngesihlalo esinamavili akakwazi ukusebenzisa iingalo nemilenze.
Xa waqala ukuya esikolweni ukhe wasebunzimeni ebhala ipenlothe isemlonyeni. ULucelIe ngoku ufike kwibakala apho anako ukubhala ngokukhawuleza nakakuhle kunabanye afunda nabo.
Qho ndifika kwibanga elitsha endifunda nabo bothuswa yindlela endibhala ngayo. Bathand'ukwazi kuba ndenza abangenakukwenza,
utshilo uLucelle. Nootitshala bakhe bayamncoma
kwaye bemthanda. Uye wanik'ifuthe kwabanye abafundi abaphile nje kakuhle.
Ubukrelekrele bukaLucelle abuphelele nje ekubhaleni. Kwizifundo zobugcisa uyagqwesa kwiqela lakhe. Ngokuqinisekileyo uLucelle uligcisa. Unqwenela ukuba ngenye imini abe ngumlonjikazi. UmcuIi endimthandayo nguCeline Dion kuba iingoma zakhe zimnandi kwaye zinentsingiselo.
ULucelle ukwathabath'inxaxheba kwikhonsathi yaminyaka le iSpecial Arts yeembedlenge.
Nonyakenje ebekwiqela elicula ingoma ethi We Believe.
Nyakenye uye wavuyiswa kukukhwela okokuqala inqwelo-moya esiya ekapa ukuze aculele isikolo sakhe kwikhonsathi. Olu hambo lwalumnandi nabaphulaphuli bayithakazela indlela esicule ngayo.
Phezu kwako nje ukugula anako uLucelle uzama ukuphila njengamntu wonke. Uthabathe inxaxheba kugqatso lwabahamba ngezitulo ezinamavili nasekuqubheni waza wazuza iindebe ezimbalwa. Uyayithanda iqakamba kwaye emthanda gqitha noJacques Kallis.
Ndiyayithanda intombi yam. lkrelekrele esikolweni, iyaluthanda nococeko ekhaya. Ufak'umqamelo emadolweni aze atshayele, amenyezelise asule nothuli endlwini, utshilo umama wakhe uCecelia Govender.
Kukho umanyano kusapho olunamalungu amathandathu lakuloLucelle. ULuceIle unomnakwabo nabaswakwabo ababini, omnye wabo uzelwe
engenaminwe kwisandla sakhe sasekunene. Unina akaphangeli noyise ufumana imali yokugogeka.
Umsakwabo Lucelle omdala uMichelle (onama-20 eminyaka) usebenza njengereceptionist kwaye nguye kuphela ongumondli kowabo.
ULucelle ngumsakwethu olungileyo. Akukho nto endinge-nakumenzela yona. Uninzi lwabaselula abakwimeko enjengekaLucelle luziva ludakumbile. Kodwa ke uLucelle uyasikhuthaza, ungumntu onethemba nosoloko ehleka, ecula esibangela sihlale sonwabile.
UMichelle ubona ukuba akukho sizathu sokuba abagogekileyo bagcinwe kumaziko abo kuba bayayifuna inkxaso nenkathalo yosapho.
ULucelle ubonisa ukungaxhomekeki mntwini nto Ieyo eqhelekileyo kwabafikisayo.
Mna andisiboni isizathu sokuba abantu bandenzele izinto njengokondliwa xa mna ndinokuzenzela ezi zinto. Xa ndisitya icephe ndilibamba ngesandla ndize umlomo ndiwusondeze ecepheni, utshilo.
ULucelle onqwenela ukuba abe ngugqirha wengqondo akukhula ubongoze ulutsha ukuba lungakuvumeli ukuntywiliselwa kwiingxaki zalo.
Kufuneka bazame, yonk into iya kuphumelela. Ngamnye kuthi unokuphumeza oko akufunayo kungathaliseki ukuba sikwimeko enjani. 
ULucelle kunye nomsakwabo uMandy
ozalwe engenaminwe kwisandla sasekunene.

